Skip to content
Fondacioni Shqiptar i Garancive për Zhvillim (ADGF)
Sigurimi i qasjes në financim, me qëllim zgjerimin e shërbimeve financiare në një segment pak të shërbyer të ndërmarrjeve mikro, të vogla dhe të mesme në të gjithë sektorët e ekonomisë, për shkak të mungesës ose pamjaftueshmërisë së kolateralit.
Fondacioni Shqiptar i Garancive për Zhvillim (ADGF)
Inkurajimi i bankave dhe institucioneve financiare jo-banka të ofrojnë shërbime financiare në sektorë të ndryshëm të ekonomisë.
Fondacioni Shqiptar i Garancive për Zhvillim (ADGF)
Ofrimi i garancive që gjenerojnë financime që nuk do të ndodhnin ndryshe, duke siguruar një ndikim të vërtetë ekonomik.
Kredi të Garantuara
+ 200000000 €
Garanci të Akumuluara
+ 110000000 €
Kredi të Dhëna
+ 25000

RRETH NESH

Fondacioni Shqiptar i Garancive për Zhvillim (ADGF) u krijua në Korrik 2015, bazuar në ligjet e Republikës së Shqipërisë. Ideja u konceptua si pjesë e kornizës së Bashkimit Evropian (BE) për IPA për të financuar një program “Programi për Garancinë e Kredisë Rurale” në Shqipëri me qëllim rritjen e të ardhurave familjare në zonat rurale të Shqipërisë. Aktivitetet u bashkëfinancuan nga BE dhe Qeveria e Shqipërisë për një vlerë totale prej 5.5 milion Euro, nga të cilat 5 milion Euro ishin nga BE dhe 0.5 milion Euro ishin nga Qeveria e Shqipërisë. Projekti fillestar, i cili nisi në Nëntor 2014 dhe vazhdoi deri në Mars 2016, u implementua nga KfW, Banka Gjermane për Zhvillim.

Kapitali i Fondacionit u rrit përmes kontributeve shtesë prej 30 milion Euro (në 2018), 6.8 milion Euro (në 2020) dhe 6 milion Euro (në 2021) nga Qeveria Gjermane përmes KfW, e cila vazhdon të mbështesë Fondacionin përmes asistencës teknike.

MË SHUMË

DRITARET E GARANCIVE

Dritarja e Rregullt

I dedikohet ndërmarrjeve mikro, të vogla dhe të mesme që nuk kanë ose kanë kolateral të pamjaftueshëm për t’u financuar nga institucionet financiare.

Dritarja e Gjelbër

I dedikohet ndërmarrjeve mikro, të vogla dhe të mesme që investojnë në projekte të eficiencës së energjisë, energjisë së rinovueshme dhe reduktimin e emetimeve të CO₂.

Dritarja Covid

I dedikohet ndërmarrjeve mikro, të vogla dhe të mesme të cilat u prekën nga pandemia Covid-19 ose nga masat kufizuese të lidhura me të (mbyllur në fund të vitit 2022).

Dritarja Start-Up

I dedikohet ndërmarrjeve mikro, të vogla dhe të mesme me më pak se 24 muaj aktivitet.

Dritarja EU

I dedikohet rritjes së qëndrueshmërisë dhe konkurrueshmërisë së ndërmarrjeve mikro, të vogla dhe të mesme, veçanërisht në zonat rurale, prodhim dhe start-up.

EVENTE

28 Shtator, 2026

ADGF dhe Tirana Bank nisin partneritetin e parë për zgjerimin e aksesit në financim për NVM-të shqiptare

Fondacioni Shqiptar për Zhvillimin e Garancive (ADGF) dhe Tirana Bank kanë nënshkruar marrëveshjen e tyre të parë të
25 Shtator, 2026

ADGF organizon Workshopin Rajonal të Institucioneve të Garancisë së Kredive të Ballkanit Perëndimor, në bashkëpunim me KCGF dhe SEF

Më 24 dhe 25 shtator, Fondacioni Shqiptar i Garancive për Zhvillim (ADGF) mirëpriti në Durrës një workshop rajonal
15 Korrik, 2026

ADGF rinovon partneritetin me Raiffeisen Bank Shqipëri për të forcuar mbështetjen ndaj NVM-ve në kuadër të Programit BE–KfW

Tiranë, 15 korrik 2026 Fondacioni Shqiptar i Garancisë për Zhvillim (ADGF) ka rinovuar partneritetin me Raiffeisen Bank Shqipëri
« 1234567»

DONATORËT

PARTNERËT

Previous
Next

Rüdiger Hartmann

Anëtar Bordi i nominuar nga KfW

Rüdiger Hartmann ka mbi 30 vjet përvojë profesionale në fushën e bankave zhvillimore, kryesisht në role të larta drejtuese në KfW. Karriera e tij përfshin zhvillimin e sektorit financiar, ekonominë e zhvillimit, vlerësimin, bashkëpunimin ndërkombëtar, rregullimin dhe skemat e garancisë së kredive. Ai themeloi dhe drejtoi Njësinë e Pavarur të Vlerësimit të KfW-së dhe më pas drejtoi departamente përgjegjëse për bashkëpunimin me Amerikën Latine dhe Karaibet, si dhe për zhvillimin e instrumenteve, kuadrit rregullator dhe procedurave të Bashkëpunimit Financiar Gjerman. Ai ka shërbyer gjithashtu si Drejtor i Zyrës së KfW-së në Beograd, ku ka ndjekur programet e financimit të NVM-ve dhe krijimin e funksionimin e fondacionit gjermano-serb të garancisë së kredive. Aktualisht, ai shërben në Bordin e Drejtorëve të Fondit Kosovar për Garanci Kreditore (KCGF).

Senida Mesi

Anëtare e pavarur e Bordit

Senida Mesi është ekonomiste zhvillimi me më shumë se 25 vjet përvojë në sektorin bankar, administratën publike, konsulencën ndërkombëtare dhe qeverisjen institucionale. Ajo ka punuar për mbi 17 vjet në sektorin bankar, ku ka mbajtur role të larta ekzekutive dhe përgjegjësi në bordin e zgjeruar drejtues të ProCredit Bank Albania, duke fituar përvojë të gjerë në operacionet bankare, aksesin në financim dhe zhvillimin organizativ.
Nga viti 2017 deri në vitin 2019, ajo shërbeu si Zëvendëskryeministre e Shqipërisë dhe ishte deputete në periudhën 2017–2021, duke kontribuar në administratën publike, politikëbërje dhe reformën institucionale.
Aktualisht, ajo punon si konsulente ndërkombëtare dhe shërben në Bordet Mbikëqyrëse të EIT Water dhe Albanian Digital Solution. Ajo mban gjithashtu role ndërkombëtare këshillimore dhe qeverisëse në organizata që përfshijnë Këshillin e Evropës, ALDA dhe SDSN Europe.

Jonida Lakuriqi

Anëtare e pavarur e Bordit

Jonida Lakuriqi është një drejtuese e lartë me më shumë se 23 vjet përvojë në fushat e së drejtës, qeverisjes, strategjisë dhe biznesit. Karriera e saj përfshin sektorët e telekomunikacionit, teknologjisë, bankave dhe infrastrukturës, role drejtuese të nivelit më të lartë, si dhe përvojë të gjerë në këshillimin e bordeve, institucioneve qeveritare, autoriteteve rregullatore dhe investitorëve për bashkime dhe blerje komplekse, privatizime, koncesione dhe transformime ndërkufitare.
Që prej vitit 2018, ajo është anëtare e rëndësishme e ekipit drejtues të Vodafone Albania, në pozicionin e Drejtores për Çështjet Ligjore, Politikat Publike, Çështjet e Korporatës dhe Marrëdhëniet me Jashtë, ndërkohë që është gjithashtu anëtare e Bordit Ekzekutiv dhe Këshillit të Administrimit.
Ajo shërben gjithashtu si Kryetare e Bordit të Fondacionit Vodafone Albania dhe Zëvendëspresidente e Dhomës Britanike të Tregtisë në Shqipëri. Fushat e saj të ekspertizës përfshijnë qeverisjen e korporatave, transformimin digjital dhe biznesin e qëndrueshëm.

John P. Khoury

Kryetar i Bordit | Anëtar i Pavarur

John P. Khoury ka shërbyer si Kryetar i Bordit të ADGF që nga themelimi i Fondacionit. Aktualisht, ai shërben gjithashtu në borde bankash, komitete investimesh dhe komitete të menaxhimit të riskut, si dhe kontribuon në menaxhimin e fondeve për ndërmarrjet mikro, të vogla dhe të mesme (NMVM). Me më shumë se 30 vjet përvojë ndërkombëtare, ai ka themeluar dhe drejtuar institucione financiare dhe ka këshilluar organizata shumëpalëshe, qeveri, investitorë dhe institucione financiare në disa rajone në mbarë botën. Puna e tij është përqendruar veçanërisht në zhvillimin e sektorit financiar, menaxhimin e riskut të kredisë, programet e financimit për NVM-të dhe mikrofinancën, si dhe në projektimin, themelimin dhe menaxhimin e fondeve të garancisë së kredive. Z. Khoury luajti një rol të rëndësishëm në themelimin e fondacionit ADGF në vitin 2015.

Edvin Myftiu

Menaxher Risku

Edvini drejton menaxhimin e riskut në ADGF si Menaxher i Riskut, detyrë të cilën e mori në Qershor 2026.
Bankier me përvojë prej mbi 23 vitesh në sektorin financiar shqiptar, ai e ka ndërtuar karrierën në kredidhënie dhe në role drejtuese në degë, rajon e distrikt, në shitjet e rrjetit dhe në bankingun për mikro e ndërmarrjet e vogla. Kjo përvojë e drejtpërdrejtë në terren e udhëheq qasjen e tij në ADGF — të menaxhojë riskun me disiplinë, duke e mbajtur portofolin e garancive të Fondacionit në shërbim të MSME-ve shqiptare.
Edvini është diplomuar për Agro-Biznes nga Universiteti Bujqësor i Tiranës në vitin 2001 dhe gjatë karrierës së tij profesionale ka kryer trajnime dhe certifikime të ndryshme.

Gertjana Drita

Drejtore Ekzekutive

Gertjana iu bashkua ADGF-së në fillim të vitit 2020 dhe aktualisht mban pozicionin e Drejtores Ekzekutive të fondacionit.
Ajo vjen me një eksperiencë prej më shumë se 15 vitesh në sektorin bankar, duke mbajtur pozicione drejtuese në Menaxhimin e Burimeve Njerëzore dhe Departamentin e Biznesit SME.
Gertjana është diplomuar për Financë dhe Kontabilitet në Universitetin e Tiranës dhe ka marrë pjesë në shumë programe ndërkombëtare trajnimi.

Laureta Domi

Menaxhere e Garancive

Laureta iu bashkua ADGF në fillim të vitit 2022 dhe aktualisht mban pozicionin e Menaxheres së Garancive në fondacion.
Ajo është Menaxhere e Lartë Finance dhe Banke me eksperiencë prej 19 vitesh në ndërtim ekipi, udhëheqje, efektivitet në shitje, eksperiencë me klientët dhe menaxhim portofoli.
Laureta ka diplomë Bachelor dhe Master Shkencor në Menaxhim nga Fakulteti i Ekonomisë, Universiteti i Tiranës si dhe një Diplomë Master në Financë dhe Bankë nga Instituti Universitaire Kort Bosch, në Zvicër, si dhe shumë kurse dhe trajnime të çertifikuara. Ajo gjithashtu është lektore në Universitetin Aleksandër Moisiu.

Ermir Çoba

Menaxher Portofoli Agro & RE

Ermiri iu bashkua ADGF-së në Maj të vitit 2022 dhe është përgjegjës për menaxhimin e portofolit të garancive Agro dhe Energji Eficense/Rinovueshme.
Ai ka një eksperiencë prej rreth 15 vitesh në sistemin bankar dhe mikrofinancës, duke mbajtur pozicione të ndryshme, të lidhura me analizën financiare të kredive, raportimin dhe vlerësimin e riskut.
Ermiri është diplomuar për Kontabilitet në Universitetin e Tiranës dhe mban gjithashtu edhe disa certifikime kombëtare e ndërkombëtare në fushën e kontabilitetit, manaxhimin e riskut, analizën financiare, kreditimin në bujqësi etj.

Aurela Tomini

Menaxhere Portofoli

Aurela iu bashkua ADGF në Nëntor 2025 si Menaxhere Portofoli. Ajo është një profesioniste me përvojë në sektorin bankar, me dy dekada në industrinë financiare, duke mbajtur role të ndryshme në shitje, menaxhim risku dhe zhvillim produktesh.
Aurela ka përfunduar studimet në Universitetin Bujqësor të Tiranës, ku mori diplomën Bachelor në Agro-Biznes në vitin 2005. Gjatë karrierës, ajo ka ndjekur edhe një sërë trajnimesh profesionale, të cilat kanë forcuar më tej njohuritë e saj në operacionet bankare, proceset e kreditimit dhe analizën financiare.

 

Besiana Lika

Menaxhere e Financës

Besiana iu bashkua ADGF-së në vitin 2016 dhe është përgjegjëse për menaxhimin e financave të fondacionit. Gjithashtu, shërben si Sekretare e Bordit të Drejtorëve.
Ajo ka eksperiencë në fushën e financës, kontabilitetit, riskut dhe analizës së biznesit.
Besiana u diplomua në nivelin Bachelor për degën Financë dhe Kontabilitet në vitin 2012 dhe në nivelin Master i Shkencave në Financë në vitin 2014, pranë Fakultetit të Ekonomisë në Universitetin e Tiranës. Që prej diplomimit, njëkohësisht ajo është angazhuar si pedagoge e jashtme pranë këtij fakulteti.

Stelina Shefqeti

Oficere Finance & Administrimi

Stelina iu bashkua ADGF-së në vitin 2021 dhe është përgjegjëse për aktivitetet fnanciare dhe administrative të fondacionit.
Stelina u diplomua në nivelin Bachelor për degën Financë në vitin 2020 dhe në nivelin Master i Shkencave në Financë në vitin 2022 pranë Fakultetit të Ekonomisë, Universiteti i Tiranës. Gjithashtu, ajo ka ndjekur një sërë kursesh dhe trajnimesh profesionale të lidhura kryesisht me kontabiliten, analizën financiare dhe modelimin financiar.