Dritarja për Energji të Rinovueshme për Klientët e Bankave

Garancia për energji të rinovueshme është e dedikuar për të siguruar mbështetje të veçantë për investimet e MSME-ve që çojnë në një ulje të konsumit të energjisë ose emetimit të CO² prej të paktën 20%. “Dritarja e gjelbër” do të përqendrohet në energjinë e rinovueshme dhe efikasitetin e energjisë, me kushtet e mëposhtme:

• Ndarje e rrezikut me bazë 50/50;
  • Shuma maksimale e kredisë 500,000 Euro (ose ekuivalenti në Lek);
  • Monedha: Lek (monedha të tjera vetëm në raste të veçanta);
  • Kredia: Vetëm kredi të reja, jo rifinancim ose ristrukturim të kredive ekzistuese. Në rast të kredive për huamarrësit ekzistues, cilësia e kredisë duhet të klasifikohet si normale.
  • Kreditë Paralele për bizneset huamarrëse lejohen në rastet e mëposhtme:
• Jo më shumë se dy kredi në të njëjtën kohë, pavarësisht nga fakti se shuma totale e kredive është brenda kufirit maksimal të miratuar të ADGF;
• Të paktën 40% e shumës ekzistuese të kredisë të jetë shlyer pa vonesa;
• Balancat individuale për tu shqyrtuar dhe aprovuar rast pas rasti;
• Normalisht, performancë e mirë ose e përmirësuar e biznesit nëse shuma e sugjeruar e kredisë është më e lartë se shuma origjinale e kredisë ekzistuese;
  • Llojet e kredisë: kredi për kapital punues dhe kredi për investime;
  • Afati:
• Për kreditë për kapital punues: maksimumi 36 muaj, por jo më pak se 12 muaj;
• Për kreditë për investime: maksimumi 84 muaj, por jo më pak se 12 muaj.
• Shuma maksimale e kredive të huamarrësit: të mos kalojë 600,000 Euro (ose ekuivalenti në Lek)